લખાણ પર જાઓ

પૃષ્ઠ:Rashtrika - Gu - By Ardeshar Khabardar - 1940.pdf/૨૦૭

વિકિસ્રોતમાંથી
આ પાનાનું પ્રુફરીડિંગ થઈ ગયું છે
૨૦૬
રાષ્ટ્રિકા
 


ફાટે આભ, દિશા ડોલે, ને સાગર ડૂબે ભોમ :
રોમરોમમાં ભાલા ભોંકે ભર‌અંધારે વ્યોમ :
⁠લયના હાહાકાર ઊઠે રે !
⁠ભયના કિલ્લા કોટ તૂટે રે !
⁠જયના રણલલકાર છૂટે રે :
સર્વ સમર્પણ તુજને, માતા ! તુંથી જ સર્વ મિરાત !
⁠ઘડીભર થંભી જા રે માત ! ૩

શસ્ત્ર અસ્ત્ર સૌ ફેંકી દીધાં, લીધાં નવવ્રત આજ :
કેવડિયાશી બાણપથારી લઈએ સૌ તુજ કાજ !
⁠દૃગ દૃગમાં નવશૌર્ય ઝરે રે !
⁠ઝગઝગતાં તુજ ભાવિ તરે રે !
⁠ટગટગ જગ રહે જોઇ અરે રે !
ઊઘડ્યાં આત્મપ્રભાત હવે, મા ! કેમ રંક તુજ જાત ?
તુજ સંતાન સજાત ઘૂમે, મા ! થા નવખંડ વિખ્યાત !
⁠ઘડીભર થંભી જા રે માત ! ૪