આ પાનાનું પ્રુફરીડિંગ થઈ ગયું છે
કથાનક ગીતો
૫૯
૨
શું આભ આ તૂટી પડે ?
ઓ સિંધુ શું ઉલટી પડે ?
દુખઝાળમાં
આ કાળમાં
શુ તેજ અમ ખૂટી પડે ? -
શું ના અમે ગુજરાતનાં સંતાન કે ?
શું ના અમારી માતનું અભિમાન કે ?
હિંદુ, મુસલમિન, પારસી : કો કહે વિવિધ અમ જાતિઓ ?
એકાત્મ સહુ ઊભા અડગ : શું ના અમે ગુજરાતીઓ ?
૩
કંઇ દેશદેશ ઘૂમ્યા અમે,
ક્યાં રવિ ઊગે, ક્યાં આથમે :
જંગલ બધાં
મંગલ કીધાં
અમ ધીરપાદ પરાક્રમે !
ન ગણ્યાં અમે પહાડો, વનો , મહાસાગરો :
ન ગણ્યાં અમે કંઇ વનચરો કે જળચરો :
રે કંઇ હજારો વર્ષથી હર્ષે મચ્યા પરદેશમાં,
તે માતૃદૂધ ધિકરાવવા શું જીવિયે આ વેશમાં ?
