આ પાનાનું પ્રુફરીડિંગ બાકી છે
પદ ૩૩૧ મું
મરમાળી મૂરતિ માવની, પ્યારી પ્યારી લાગે પ્યારી રે... ટેક.
માથે મોળિયું જરકસી, પે'ર્યા જરકસી જામા ભારી રે;
આવે માણિગર મહાલતો, કરી માણકીની અસવારી રે... મરમાળી.. ૧
ડોલરિયા સરખો દીસતો, શ્યામળિયો સુખકારી રે;
જોઈને જીવન પ્રાણને, મોહી વ્રજતણી સૌ નારી રે... મરમાળી.. ૨
બાંહે બાજૂબંધ બેરખા, હૈયે હિંડળે હાર હજારી રે;
મીઠડા બોલા માવની, શોભા ત્રિભુવનથી ન્યારી રે... મરમાળી.. ૩
હેતે સામું જોઈને, ચોરે ચિતડાને ગિરિધારી રે;
પ્રેમાનંદ કહે જાઉં એની, બાનકની બલિહારી રે... મરમાળી.. ૪
પદ ૩૩૨ મું
