રસજ્યોત
| રસજ્યોત ન્હાનાલાલ |
- એક જ્વાલા જલે તુજ નેનનમાં,
- રસજ્યોત નિહાળી નમું-હું નમું;
- એક વીજ ઝલે નભમંડલમાં
- રસજ્યોત નિહાળી નમું-હું નમું;
- મધરાતના પહોર અઘોર હતા;
- અન્ધકારના દોર જ ઓર હતા;
- તુજ નેનમાં મોરચકોર હતા
- રસજ્યોત નિહાળી નમું-હું નમું;
- અહા ! વિશ્વનાં દ્વાર ખુલ્યાં-ઉછળ્યાં;
- અહા ! અબધૂતને બ્રહ્મયોગ મળ્યા;
- અહા ! લોચન લોચન માંહી ઢળ્યા;
- રસજ્યોત નિહાળી નમું-હું નમ
- એક જ્વાલા જલે તુજ નેનનમાં,
- દગબાણથી પ્રારબ્ધલેખ લખ્યો;
- કંઈ પ્રેમીએ પ્રમપથી પરખ્યો;
- અને આત્માએ આત્મન્ને ઓળખ્યો;
- રસજ્યોત નિહાળી નમું-હું નમું;