વાણલાં ભલે વાયાં

વિકિસ્રોતમાંથી
Jump to navigation Jump to search

સૂરજ ઊગ્યો રે કેવડિયાંની ફણસે
કે વાણલાં ભલે વાયાં રે
સૂતા જાગો રે વાસુદેવના નંદ
કે વાણલાં ભલે વાયાં રે

સૂતા જાગો રે સુભદ્રા બેનીના વીર
કે વાણલાં ભલે વાયાં રે
તમે જાગો રે જાગે સહુ દેવ
કે વાણલાં ભલે વાયાં રે

લેજો લેજો રે દાતણ ને ઝારી
કે વાણલાં ભલે વાયાં રે
બેસજો બેસજો તુલસીને ક્યારે
કે વાણલાં ભલે વાયાં રે

મુખ લૂજો રે પામરિયુંને છેડે
કે વાણલાં ભલે વાયાં રે
લેજો લેજો શરી રામનાં નામ
કે વાણલાં ભલે વાયાં રે