શરીરં સુરૂપં - ગુરુસ્તોત્ર
| શરીરં સુરૂપં - ગુરુસ્તોત્ર શંકરાચાર્ય |
શરીરં સુરૂપં - ગુરુસ્તોત્ર
શંકરાચાર્ય
શરીરં સુરૂપં સદા રોગમુક્તં
યશશ્ચારુ ચિત્રં ધનં મેરુતુલ્યમ્ ।
ગુરોરઙ્ધ્રિપદ્મે મનશ્ચેન્ન લગ્નં
તતઃ કિં તતઃ કિં તતઃ કિં તતઃ કિમ્ ॥૧॥
ષડઙ્ગાદિવેદો મુખે શાસ્ત્રવિદ્યા
કવિત્વાદિ ગદ્યં સુપદ્યં કરોતિ ।
ગુરોરઙ્ધ્રિપદ્મે મનશ્ચેન્ન લગ્નં
તતઃ કિં તતઃ કિં તતઃ કિં તતઃ કિમ્ ॥૨॥
કલત્રં ધનં પુત્રપૌત્રાદિ સૌખ્યં
ગૃહં બાન્ધવાઃ સર્વમેતદ્ધિજાતમ્ ।
ગુરોરઙ્ધ્રિપદ્મે મનશ્ચેન્ન લગ્નં
તતઃ કિં તતઃ કિં તતઃ કિં તતઃ કિમ્ ॥૩॥
વિદેશેષુ માન્યઃ સ્વદેશેષુ ધન્યઃ
સદાચારવૃત્તેષુ મત્તો ન ચાન્યાઃ ।
ગુરોરઙ્ધ્રિપદ્મે મનશ્ચેન્ન લગ્નં
તતઃ કિં તતઃ કિં તતઃ કિં તતઃ કિમ્ ॥૪॥