શ્રીસૂક્ત
| શ્રીસૂક્ત [[સર્જક:|]] |
શ્રીસૂક્ત
ૐ || હિરણ્યવર્ણાં હરિણીં સુવર્ણરજતસ્રજામ્ |
ચંદ્રાં હિરણ્મયીં લક્ષ્મીં જાતવેદો મ આવહ || ૧ ||
તાં મ આવહ જાતવેદો લક્ષ્મીમનપગામિનીમ્ |
યસ્યાં હિરણ્યં વિંદેયં ગામશ્વં પુરુષાનહમ્ || ૨ ||
અશ્વપૂર્વાં રથમધ્યાં હસ્તિના"દપ્રબોધિનીમ્ |
શ્રિયં દેવીમુપહ્વયે શ્રીર્મા" દેવીજુષતામ્ || ૩ ||
કાં સોસ્મિતાં હિરણ્યપ્રાકારામાર્દ્રાં જ્વલંતીં તૃપ્તાં તર્પયંતીમ્ |
પદ્મે સ્થિતાં પદ્મવર્ણાં તામિહોપહ્વયે શ્રિયમ્ || ૪ ||
ચંદ્રાં પ્રભાસાં યશસા જ્વલંતીં શ્રિયં લોકે દેવજુષ્ટામુદારામ્ |
તાં પદ્મિનીમીં શરણમહં પ્રપદ્યેઽલક્ષ્મીર્મે નશ્યતાં ત્વાં વૃણે || ૫ ||
આદિત્યવર્ણે તપસોઽધિજાતો વનસ્પતિસ્તવ વૃક્ષોઽથ બિલ્વઃ |
તસ્ય ફલા"નિ તપસા નુદંતુ માયાંતરાયાશ્ચ બાહ્યા અલક્ષ્મીઃ || ૬ ||
ઉપૈતુ માં દેવસખઃ કીર્તિશ્ચ મણિના સહ |
પ્રાદુર્ભૂતોઽસ્મિ રાષ્ટ્રેઽસ્મિન્ કીર્તિમૃદ્ધિં દદાતુ મે || ૭ ||
ક્ષુત્પિપાસામલાં જ્યેષ્ઠામલક્ષ્મીં નાશયામ્યહમ્ |
અભૂતિમસમૃદ્ધિં ચ સર્વાં નિર્ણુદ મે ગૃહાત્ || ૮ ||
ગંધદ્વારાં દુરાધર્ષાં નિત્યપુષ્પાં કરીષિણીમ્ |
ઈશ્વરીં સર્વભૂતાનાં તામિહોપહ્વયે શ્રિયમ્ || ૯ ||
મનસઃ કામમાકૂતિં વાચઃ સત્યમશીમહિ |
પશૂનાં રૂપમન્નસ્ય મયિ શ્રીઃ શ્રયતાં યશઃ || ૧૦ ||
કર્દમેન પ્રજાભૂતા મયિ સંભવ કર્દમ |
શ્રિયં વાસય મે કુલે માતરં પદ્મમાલિનીમ્ || ૧૧ ||
આપઃ સૃજંતુ સ્નિગ્ધાનિ ચિક્લીત વસ મે ગૃહે |
નિ ચ દેવીં માતરં શ્રિયં વાસય મે કુલે || ૧૨ ||
આર્દ્રાં પુષ્કરિણીં પુષ્ટિં પિંગલાં પદ્મમાલિનીમ્ |
ચંદ્રાં હિરણ્મયીં લક્ષ્મીં જાતવેદો મ આવહ || ૧૩ ||
આર્દ્રાં યઃ કરિણીં યષ્ટિં સુવર્ણાં હેમમાલિનીમ્ |
સૂર્યાં હિરણ્મયીં લક્ષ્મીં જાતવેદો મ આવહ || ૧૪ ||
તાં મ આવહ જાતવેદો લક્ષ્મીમનપગામિનીમ્ |
યસ્યાં હિરણ્યં પ્રભૂતં ગાવો દાસ્યોઽશ્વાન, વિંદેયં પુરુષાનહમ્ || ૧૫ ||
ૐ મહાદેવ્યૈ ચ વિદ્મહે વિષ્ણુપત્ન્યૈ ચ ધીમહિ |
તન્નો લક્ષ્મીઃ પ્રચોદયાત્ ||
ૐ શાંતિઃ શાંતિઃ શાંતિઃ ||