સર્જક:ધીરા પ્રતાપ બારોટ
 | |
|---|---|
| જન્મ | 1753 |
| મૃત્યુ | 1825 |
| વ્યવસાય | કવિ |
| ભાષા | ગુજરાતી ભાષા |
ધીરા પ્રતાપ બારોટ અથવા ધીરો ભગત તરીકે ઓળખાતા કવિનો જન્મ ઈ.સ.૧૭૫૩ના વર્ષમાં વડોદરા જિલ્લાના ગોઠડા ગામે થયો હતો. તેમના પિતાનું નામ પ્રતાપ બારોટ અને માતાનું નામ દેવબા હતું. ધીરા ભગતનું મન નાનપણથી ભક્તિ તરફ વળ્યું હતું. સાધુ-સંન્યાસીઓની સેવા કરતાં એમણે જુદા જુદા શાસ્ત્રોનો પણ અભ્યાસ કર્યો હતો. તેમના પદો કાફી નામના રાગમાં ગવાતા હોઈ તે 'કાફી' તરીકે જાણીતાં થયા હતા. એમણે પદોમાં સંસારની તથા કાયાની નિરર્થકતા વ્યક્ત કરી છે. આ ઉપરાંત એમણે રણયજ્ઞ, અશ્વમેઘ તથા દ્રૌપદી વસ્ત્રાહરણ જેવાં આખ્યાનોની પણ રચના કરી છે. એમનું અવસાન ઇ.સ.૧૮૨૫માં થયું હતું.
દલપતરામ દ્વારા રચિત લેખ ગુજરાતી ભાષાના કવિયોનો ઇતિહાસમાં તેમનો ઉલ્લેખ થયો છે.