હરિને ભજતાં

વિકિસ્રોતમાંથી
Jump to navigation Jump to search

હરિને ભજતાં હજી કોઈની લાજ જતાં નથી જાણી રે;

જેની સુરતા શામળીયા સાથ, વદે વેદ વાણી રે. હરિને...

વહાલે ઉગાર્યો પ્રહ્-લાદ, હરણા કંસ માર્યો રે;

વિભીષણને આપ્યું રાજ, રાવણ સંહાર્યો રે. હરિને...

વહાલે નરસિંહ મહેતાને હાર, હાથોહાથ આપ્યો રે;

ધ્રુવને આપ્યું અવિચળ રાજ, પોતાનો કરી થાપ્યો રે. હરિને...

વહાલે મીરાં તે બાઈનં વિખ હળાહળ પીધાં રે;

પંચાળીના પૂર્યાં ચીર, પાંડવ કામ કીધાં રે હરિને...

વહાલે આગે સંતોનાં કામ, પૂરણ કરિયાં રે;

ગુણ ગાય ગેમલ કરજોડ, હેતે દુઃખ હરિયાં રે. હરિને...

--ગેમલ