અખાના છપ્પા/ચાનક અંગ

by અખો

← પ્રપંચ અંગ

અખાના છપ્પા ચાનક અંગ અખો

સુક્ષ્મદોષ અંગ →

ચાનક અંગ

હઠ કરી નૈં ઓળખ્યા હરિ,કાચો જીવ જાશે નિસરી;
જેમ નિંભાડે ભાજન કાચું રયું,ન સયું કામ માટિથું ગયું;
છતી બુદ્ધિયે હરિ નૈં અભ્યસ્યો,તો ડાહ્યા થતાં ઠેકાણે થશો. ૨૧૩

મૂક મછર(મત્સર) ને પરહર માન,ચતુરાઇ સામું છે જાંન; (હાનિ);
કરકરો થયે કાળ નવ બિયે,જોરે જમ જીત્યો છે કિયે;
ગળિત થશે ઉતરશે ગાળ,અખા હરિ મળવાનો એ કાળ. ૨૧૫

ભણ્યા ગણ્યા ભલે પાકે પંચ,ન્યાય ઉકેલે જાણે સંચ;
સભાપતિ થઇ બેસે મધ્ય,આતમની નવ જાણે વિધ;
અખા ક્યાંય નવ કુંવારિ ગાય,ઠાલા આવ્યા ને ભૂલા જાય. ૨૧૪

નિત્ય નિમિત્ત બે માથે પડ્યાં,જેમ બાળક હીંડે કાંધે ચડ્યાં;
પુણ્ય ન લાગે પાડ ન થાય,પેર પડ્યાં કેમ નાખ્યાં જાય;
નિષ્કર્મ થઇ નર હરિને જાણ,તો જ અખા ટળશે તું જ તાણ્ય. ૨૧૬