અજ્ઞાની તારા અંતરમાં
| અજ્ઞાની તારા અંતરમાં દેવાનંદ સ્વામી |
પદ ૩ રાગ એજ.
અજ્ઞાની તારા અંતરમાં દેખ વિચારી...
અંતસમે કોઈ કામ ન આવે, સગાં કુટુંબ સુત નારી રે. ટેક
જોબન ધનનું જોર જણાવે, ફાટી આંખે ફરતો;
કાળ કરાળ કઠણ શિર વેરી, દિલમાં કેમ નથી ડરતો રે. અજ્ઞાની ૧.
માલ ખજીના મંદિર મેલી, મૂઆ ભૂપ મદમાતા;
શ્વાન સૂકરના દેહ ધરીને, ઘર ઘર ગોથાં ખાતા રે. અજ્ઞાની ૨.
આજ અમૂલખ અવસર આવ્યો, હરિ ભજવાનું ટાણું;
દેવાનંદ કહે દેહ મનુષ્યનો, ન મળે ખરચ્યે નાણું રે. અજ્ઞાની ૩.