આ તે શી માથાફોડ !/૭૦. સાચી મદદ

by ગિજુભાઈ બધેકા

← ૬૯. ખોટી મદદ

આ તે શી માથાફોડ ! ૭૦. સાચી મદદ ગિજુભાઈ બધેકા

૭૧. બાળકો વાતો કરે છે →

: ૭૦ :
સાચી મદદ

⁠શું છે ? બારણું નથી ઊઘડતું ? જો જરા આમ ખેંચી જો, એટલે ઊઘડશે.

⁠શું છે ? નાડી નથી બંધાતી એમ કે ? જો આમ કરીને બાંધ જોઈએ ?

⁠શું છે ? ટોપી નથી ઉતારી શકતો ? પેલી લાકડીથી કે સળિયાથી ઉતાર તો ?

⁠શું છે ? ખીલી નથી મરાતી ? જો આમ હથોડી પકડ ને આવી રીતે ઘા કર.

⁠શું છે ? ચોરણી નથી પહેરાતી ? જો આમ બેસીને આમ પગ નાખ જોઈએ ?

❊