ગમિયો રે મારે મન ગિરધારી

by પ્રેમાનંદ સ્વામી

ગમિયો રે મારે મન ગિરધારી પ્રેમાનંદ સ્વામી

પદ ૮૭૯ મું - રાગ સોરઠ

ગમિયો રે મારે મન ગિરધારી, ગમી૦ ટેક.
નટવર નાગર સુખનો સાગર, હરિવર હૈડાનો હાર હજારી ગમી૦ ૧
કોટી કામ વારું છબી પર, રંગ રસિયો ઘનશ્યામ વિહારી ગમી૦ ૨
સુખ સંપત શામળિયો મારે, એને ભજું બિજું સર્વ વિસારી ગમી૦ ૩
પ્રેમાનંદનો નાથ મનોહર, ધર્મકુંવર સુંદર સુખકારી ગમી૦ ૪

અન્ય સંસ્કાર

ગમિયો રે મારે મન ગિરધારી,
મારે મન ગિરધારી, મારે મન ગિરધારી...

નટવર નાગર સુખનો સાગર,
હરિવર હૈડાનો હાર હજારી
... મારે મન ૧

કોટી કામ વારું છબી પર,
રંગ રસિયો ઘનશ્યામ વિહારી
... મારે મન ૨

સુખ સંપત શામળિયો મારે,
એને ભજું બિજું સર્વ વિસારી
... મારે મન ૩

પ્રેમાનંદનો નાથ મનોહર,
ધર્મકુંવર સુંદર સુખકારી
... મારે મન ૪