નમું કર જોડી, બુદ્ધિ છે થોડી

વિકિસ્રોતમાંથી
Jump to navigation Jump to search
નમું કર જોડી, બુદ્ધિ છે થોડી
પ્રેમાનંદ સ્વામી



નમું કર જોડી, બુદ્ધિ છે થોડી રે,
  શું ગાવું, પાર ન પાવું, મારા રાજ ૧
જોઈ કંબુ કંઠ, મદન અટંટ રે,
  થયો દીન, પરમ પ્રવીણ, મારા રાજ ૨
વદન વિલોકી, ભક્ત જન શોખી રે,
  જોઈ ફૂલ્યા, તન સુધ ભૂલ્યા, મારા રાજ ૩
ચંદ્રનો પ્રકાશ, શશી મુખ હાસ રે,
  કુંદ કળી, દંતની આવળી, મારા રાજ ૪
અધર પ્રવાળ, રૂપની જાળ રે,
  નાની રેખે, પ્રેમાનંદ દેખે, મારા રાજ ૫