ન્હાના ન્હાના રાસ/આભનાં કુંકુમ

by ન્હાનાલાલ કવિ

આ કૃતિ/પૃષ્ઠની ભૂલશુદ્ધિ પૂર્ણ થતા આ પૃષ્ઠના લેખનને સુરક્ષિત કરી દેવામાં આવ્યું છે. આ પૃષ્ઠ પર પ્રબંધક સિવાય અન્ય સભ્યો ફેરફાર કરી શકશે નહીં. જો આપ આમાં કોઈ સુધારો સૂચવવા માંગો તો ચર્ચાના પાના પર આપની ટિપ્પણી મૂકશો.

← આત્મદેવ

ન્હાના ન્હાના રાસ - ભાગ ૨ આભનાં કુંકુમ ન્હાનાલાલ કવિ

આભને આરે ચાંદલો →

અહો ! આજ કુંકુમ ઢોળાયેલ આભમાં.
ઉગ્યાં સૃષ્ટિનાં સૌભાગ્ય!
રૂડા સૂર્યના સોહાગ!
આજ કુંકુમ ઢોળાયેલ આભમાં.

અહો! આજ પૂર્વની અલકો ઉડે વિશ્વમાં
થાય જગત ઝળક ઝળક,
જાણે બ્રહ્મછાંટી ભળક!
આજ કુંકુમ ઢોળાયેલ આભમાં.

અહો ! આજ તેજના ફુવારા ફૂટે ફાગના;
ઉડે શેડ એ અનન્ત,
વન્દે ને મહન્ત:
આજ કુંકુમ ઢોળાયેલ આભમાં
-૦-