ન્હાના ન્હાના રાસ/દંશ

વિકિસ્રોતમાંથી
Jump to navigation Jump to search
Padlock-red.svg
આ કૃતિ/પૃષ્ઠની ભૂલશુદ્ધિ પૂર્ણ થતા આ પૃષ્ઠના લેખનને સુરક્ષિત કરી દેવામાં આવ્યું છે. આ પૃષ્ઠ પર પ્રબંધક સિવાય અન્ય સભ્યો ફેરફાર કરી શકશે નહીં. જો આપ આમાં કોઈ સુધારો સૂચવવા માંગો તો ચર્ચાના પાના પર આપની ટિપ્પણી મૂકશો.
← વેણ ન્હાના ન્હાના રાસ - ભાગ ૧
દંશ
ન્હાનાલાલ કવિ
પાણીડાં →


  
હાં રે મ્હને ઝેરી નાગોએ ડંખ દીધા,
હો સન્ત! હાવાં કેમે ઉતારશો એ ઝેર?
હાં રે મ્હને ઘેરી સચોટ બાણ વીંધ્યાં,
હો સન્ત! ઘાવ ઉરના રૂઝાવશો શી પેર?

ઉંચી ઉંચી તારલી એ મીટ માંડી મટકે,
સન્તાય મ્હારી પાંપણ વિશે દિનરેનઃ
રહી રહી ઝીણું ઝીણું હો સન્ત! ખટકે,
અંજાય મ્હારાં લોચન વિશે મદઘેન.

ડોલે પેલી કમલિની જલ કેરી હેલે,
વસન્તજલે એવો ડોલે ફૂલપ્રાણઃ
મધૂપ પ્‍હણે ગુંજે, પરાગ ઢળે વેલે,
અખંડ ક્ય્હારે રેલે એવી રસલ્હાણ?

લળી ઢળી આસોપાલવ કેરી ડાળી,
ઉપર કોયલ ટહૌકા કરે મધુઘોષઃ
હતી એક ઇક્ષુના દંડ સમી બાળી,
-નજર! કેમ કાળી ગોરંભે ભરરોષ?
-૦-