પુણ્યપ્રકાશનું સ્તવન/દુહા
| પુણ્યપ્રકાશનું સ્તવન દુહા વિનયવિજય મુનિ |
ઢાળ ૧લી → |
ઉપાધ્યાયશ્રી વિનયવિજયજી વિરચિત
આરાધના (પુણ્ય પ્રકાશ)નું સ્તવન
(દોહરા)
સકળ સિદ્ધિદાયક સદા, ચોવીશે જિનરાય,
સદ્ગુરુ સ્વામિની સરસ્વતી, પ્રેમે પ્રણમુ પાય. ૧
ત્રિભુવનપતિ ત્રિશલાતણો, નંદન ગુણ ગંભીર,
શાસન નાયક જગ જયો, વર્ધમાન વડવીર. ૨
એક દિન વીર જિણંદને, ચરણે કરી પ્રણામ
ભવિકજીવના હિત ભણી, પૂછે ગૌતમ સ્વામી. ૩
મુક્તિ મારગ આરાધીએ, કહો કિણ પરે અરિહંત?
સુધા સરસ તવ વચનરસ, ભાખે શ્રી ભગવંત. ૪
અતિચાર આલોઇએ, વ્રત ધરીએ ગુરુ શાખ,
જીવ ખમાવો સયલ જે, યોનિ રાશિ લાખ. ૫
વિધિશું વલી વોસિરાવીએ, પાપસ્થાનક અઢાર,
ચાર શરણ નિત્ય અનુસરો, નિંદો દુરિત આચાર. ૬
શુભકરણી અનુમોદીએ, ભાવ ભલો મન આણ,
અણસણ અવસર આદરી, નવપદ જપો સિજાણ. ૭
શુભગતિ આરાધનતણા, એ છે દશ અધિકાર,
ચિત્ત આણીને આદરો, જેમ પામો ભવપાર. ૮