આ પાનાનું પ્રુફરીડિંગ થઈ ગયું છે
માનવ જીવનના સૂર ઉંડા, પ્રફુલ્લને વળી ઘેરા રે,
તે સર્વેનાં રહસ્ય સાચાં વાંચી સકે જ અનેરાં,
તે ગિરિકોકિલ ! તું.
નૂતનધન રંગે રંગીલી સન્ધ્યા લટકે આવે રે,
મધુર અનિલ-ઉચ્છવાસથી કરતી અધરસ્પર્શો ભાવે,
ઉંચા ગિરિવરને;
તોય અડગ ગિરિ સમાધિ ન તજે, તે ગિરિ પણ દ્રવ્ય ધારે રે,
જેહ વેળ સુરસુન્દરી સન્ધ્યા લલિત સૂરો લલકારે,
આ ગિરિકોકિલના.
ગૂઢ શક્તિને ગૂઢ અર્થ તુજ કળી સકું શી પેરે રે?
મૂઢ અબ્ને ગિરિવર જ્ય્હાં પીતાં અવિરત અમીરસેર
તુજ ગિરિકોકિલ ઓ!
