પૃષ્ઠ:Angadvishti.pdf/૪૫

રાવણ - તરુણી હણી તાટકા, રોળ્યો રાક્ષસ રંક જેવો.
જે જે કીધું કામ રામે, હર્ખ હેત હાથનો.
બાપડો બચારો પેલો, ત્રિશિરાને તર્ત હણ્યો;
દાખ્યું અને દૈવત મેં, શોભા સમરથનો;
જાંબુ જમનારો પેલો, વાંદરીનો વાળિ બેટો;
જોર તો જણાયું એનું, દિકરો દશરથનો;
દેખાડરે દેહ દુજા, દશ શીશ વીશ ભુજા;
જિતવો અજિત રાય, રાવણ દશ માથનો. ૨

અંગદ - ત્રોડવું તરણ તુચ્છ, જમવું ઘી ખીચડીનું;
કીડી સાથે કુંજરનું, હોડે જેવું હારવું;
ઉષ્ણ કાળે નીર પીવું, પાપધન લેતા બીહીવું;
સ્હેજ દિને શ્રાદ્ધ જેવું, સોદરનું સારવું;
સુમને નકારો કે'વું, દાતા પાસે ધન રેવું;
કહેવું કથન કંથ આગે, નીર તુંબ તારવું;
સામળ કહે સત્ય માન્, અંગદ કહે જ્ઞાન આણ;
રામ હદે ધરે એમ, રાવણને મારવું. ૨

છપ્પો.

રાવણ - નથી મરતાં વાર, રંજકમાં રણ રોળું;
અંગદ તારું અંગ, ચિત્તમાં ચંચડવત ચોળું;
કાઢું તાળવે જીભ, વદે જો વેર વાણીમાં;
વાંદરેલ કઢાવું તેલ, પીલાવું છું ઘાણીમાં;
જોર હોય્ તો જુદ્ધ કરે, મુજ કિંકરના સાથમાં;
એમ કહી અંગદને તિહાં, લીધો બળવંતે બાથમાં. ૨

ઝૂલણા છંદ.

દશકંધ કેમે કર્યો મરશે, ચંદ્રશેખર ચરચ્યા છે ચંદન;
દશકંધ કેમે કર્યો મરશે, વૈદનાથનાં કીધાં છે દન;
દશકંધ કેમે કર્યો મરશે,, નવ નાડનું કર્યું નિકંદન;

અંગદ - ઇશ્વર ગત ઇશ્વર સૌં જાણે, દશકંધ હણશે દશરથ નંદન.