આ પાનાનું પ્રુફરીડિંગ બાકી છે
પદ ૩ રાગ એજ.
અજ્ઞાની તારા અંતરમાં દેખ વિચારી...
અંતસમે કોઈ કામ ન આવે, સગાં કુટુંબ સુત નારી રે. ટેક
જોબન ધનનું જોર જણાવે, ફાટી આંખે ફરતો;
કાળ કરાળ કઠણ શિર વેરી, દિલમાં કેમ નથી ડરતો રે. અજ્ઞાની ૧.
માલ ખજીના મંદિર મેલી, મૂઆ ભૂપ મદમાતા;
શ્વાન સૂકરના દેહ ધરીને, ઘર ઘર ગોથાં ખાતા રે. અજ્ઞાની ૨.
આજ અમૂલખ અવસર આવ્યો, હરિ ભજવાનું ટાણું;
દેવાનંદ કહે દેહ મનુષ્યનો, ન મળે ખરચ્યે નાણું રે. અજ્ઞાની ૩.
પદ ૪. રાગ એજ.
પામર તેં પ્રાણી વિસાર્યા વનમાળી... ○ટેક
મિથ્યા સુખ માયામાં મોહ્યો, મૃગતૃષ્ણાજળ ભાળી રે.
આઠે પહોર અંતરમાં બળિયો, ઘણા ઘણાને ધાયો;
રળી ખપી ધન ભેળું કીધું, ના ખરચ્યો ના ખાયો રે... પામર○ ૧
નારી આગળ નિર્લજ્જ થઈને, બીતો બીતો બોલે;
હડકલાવે હસી બોલાવે, કરે તરણને તોલે રે... પામર○ ૨