આ પાનાનું પ્રુફરીડિંગ થઈ ગયું છે
મર્ત્યપુરીમાં અમર એક જોગીરાજ એ,
સાથે હરિશ્ચન્દ્ર-હીર: અલબેલડી !
દેહે મઢેલ દેવ એક જોગીરાજને,
ચરિતે સુવર્ણ શા વિશુદ્ધ : અલબેલડી !
ધર્ને ધેનુ શા નખ એક જોગીરાજ એ,
શૌર્યે સિંહણ પીધ દૂધ : અલબેલડી !
શાને પૂજીશું સખિ ! જન્મ-જોગીરાજને?
ઘોળ્યાં કુંકુમ કનકથાળ: અલબેલડી !
શાને વધાવશું એ વિશ્વ-જોગીરાજને,
ગૂંથી નભતારકની માળ: અલબેલડી !
જોગી પરભોગી લૂખાં ભૂષણે નારાજ છે,
જોગીને વ્હાલો જીવનભોગ : અલબેલડી !
મુક્તિનો પન્થા મળ્યા એક ગાંધીરાજ એ,
માનવમન્દિરને ચોક : અલબેલડી !
જોયા બ્રહ્માન્ડ ઘૂમી એક જોગીરાજ એ.
