સાધન સર્વ ગયા છે ખુટી, કપટી કાળે માર્યો કુટી;
બગડ્યાની નહિ બુટી, ઠાકર ક્યાં ઠરૂં રે. મારા૦ ૪
અતિ તાપથી તપી રહ્યો છું, ભાષ્ય કંઠથી અંધ થયો છું;
ભુલી ભાન ગયો છું, ધીરજ શું ધરૂં રે. મારા૦ ૫
અદ્ભુત માયા નાથ તમારી, મન વાણી નહીં પોંચે મારી;
કેશવ હરિ હારી ફટકેલ થઈ ફરૂં રે. મારા૦ ૬
(ઢાળ ૫ મી)
મારી લાજ તમારે હાથે, નાથ નિભાવજો રે;
દિનાનાથ દયાળ દયા, અદ્ભૂત દર્શાવજો રે. એ ટેક.
સંકટથી સોસાઉં મુરારી, લેજો અંતર્યામી ઉગારી;
હવે ગયો છું હારી, બાપ બચાવજો રે. મારી૦ ૧
કર્મ કઠણ માઠા ગ્રહ બેઠા, હાથ પડ્યા છે હમણા હેઠા,
પરમેશ્વર ક્યાં પેઠા, પણ પરખાવજો રે. મારી૦ ૨
અહિત અને હિતમાં અણસમજુ, કૃત્યાકૃત્ય વિષે શું સમજું;
ભજું તજું શું માધવ, માર્ગ બચાવજો રે. મારી૦ ૩
કેશવ હરિ હેતે સંભારું, પ્રભુ પદ હોય હજી જો પ્યારું;
મંગલ કરવા મારૂં, અંગદ આવજો રે. મારી૦ ૪
(ઢાળ ૬ ઠ્ઠી)
હઠ લઈ બેઠા છો હરિરાય, હવે હદ થાય છે રે;
જગદીશ્વરજી જન્મ જડેલો, નિષ્ફળ જાય છે રે. એ ટેક.
શો અપરાધ થયો છે સ્વામિ, પુછું છું પ્રાણેશ્વર શીરનામી;
અંતર્યામી અતિ અંતર, ઉભરાય છે રે. હઠ૦ ૧
છે ભગવાન મને ભય ભારે, આપ વિના નહિ કોઇ ઉગારે;
આ સંસારે અધવચ વહાણ તણાય છે રે. હઠ૦ ૨
