જેવો તેવો તો એ તમારો, તજવાથી નહીં આવે આરો;
દીનાનાથ ઉગારો, રખડ્યો પેટ ભરી ભરી રે. અંતર૦ ૩
અંધ થયો હું અજ્ઞાનપણેથી, પાસે છે પણ ન જડ્યા તેથી;
કેશવ થાક્યો એથી, ફોકટ ફરી ફરી રે. અંતર૦ ૪
ઢાળ ૩જી
મારી નાડ તમારે હાથ હરિ સંભાળજો રે.
પ્યારા પોતાનો જાણીને પ્રભુપદ પાડજો રે ...ટેક.
પથ્યાપથ્ય નથી સમજાતું, દુઃખ સદૈવ રહે ઉભરાતું;
મને હશે શું થાતું ?નાથ નિહાળજો રે. મારી... ૧
અનાદિવૈદ્ય આપ છો સાચા, કોઈ ઉપાય વિશે નહિ કાચા;
દિવસ રહ્યાં છે ટાંચા વેળા વાળજો રે. મારી... ૨
વિશ્વેશ્વર શું હજી વિચારો, બાજી હથ છતાં કાં હારો?
મહા મુંજ્ગારો મારો નટવર ટાળજો રે. મારી... ૩
કેશવ હરિ મારું શું થાશે ?ઘાણ વળ્યે શું ગઢ ઘેરાશે ?
લાજ તમારી જાશે ભૂધર ભાળજો રે. મારી... ૪
ઢાળ ૪ થી
મારા હાથ પડ્યા છે હેઠા, હરિ હું શું કરૂં રે;
શરણે આવ્યો છું કરૂણા કર, કરશો તે ખરૂં રે; એ ટેક.
ક્યાં સંતાયા કુશલ કરાણી, તરણી નટવર જાય તણાણી;
ભાઠે હાય ભરાણી, કઇ રીતે તરૂં રે. મારા૦ ૧
થતું હશે શું સમજણ ન પડે, ગોતું પણ માર્ગ મને ન જડે;
ભવસાગરના દુઃખ વડે, હ્રદયે ડરૂં રે. મારા૦ ૨
ધરાણીધર શું ધાર્યું મારૂં, રટણ કરૂં છું નિત્ય તમારૂં;
આવડું શું અંધારૂં, મરણ વિના મરૂં રે. મારા૦ ૩
