આ પાનું પ્રમાણિત થઈ ગયું છે.
વીર ! સૂઈ જા
સૂઈ જા રે સૂઈ જા !
કોડીલા કુંવર સૂઈ જા ! લાડકડા વીર સૂઈ જા!
તું રોઈશ તો તારી માતાજી મૂંઝાશે
વીર ! સૂઈ જા ! - કોડીલા૦
તું રોઈશ તો તારા દાદાજી દુખાશે
વીર ! સૂઈ જા ! – કોડીલા૦
તું રોઈશ તો તારા કાકાજી કચવાશે
વીર ! સૂઈ જા ! – કોડીલા૦
તું રોઈશ તો તારી ફૈબા ફાળે જાશે
વીર ! સૂઈ જા ! – કોડીલા૦
તને રામજી રમાડે,
તને લક્ષ્મણજી લડાવે
વીર ! સૂઈ જા! - કોડીલા૦
તને સીતાજી સુવરાવે,
તને જશોદાજી ઝુલાવે
વીર ! સૂઈ જા! – કોડીલા૦
નીંદરડી તું આવે જો
નીંદરડી તું આવે જો આવે જો !
મારા બચુ તે ભાઈ સારું લાવે જો – નીંદરડી૦
તું પૈડા પતાસાં લાવે જો – નીંદરડી૦
તું ખારેક ટેપરું લાવે જો - નીંદરડી૦
તું બદામ મિસરી લાવે જો – નીંદરડી૦
246
લોકગીત સંચય
