આ પાનું પ્રમાણિત થઈ ગયું છે.
હાલો વા'લો રે.
હાલો રે વા'લો રે કાન કરસન કાળો
હરિને હીંચકો વા'લો !
શામળી સૂરત શામળો વાલો હાં-હાં-હાં
રંગમાં રૂપાળો,
માતા જશોદા એમ જ કે' મારો
મોરલી ધજાળો !
ભાઈ ભાઈ, મોરલી ધજાળો!
હાં...હાં મોરલી ધજાળો!
ઓળોળોળો હાલ્ય હાલૂડા હાલ્ય
- હાલો રે વા'લો રે૦
હતું ઈ તો છતું કીધું હાં-હાં-હાં
કાનજી, તારું કામ;
વારિ ને વરમાંડ ડોલ્યાં,
મેવાડો મસ્તાન !
ભાઈ ભાઈ, મેવાડો મસ્તાન!
હાં હાં મેવાડો મસ્તાન!
ઓળોળોળો હાલ્ય હાલ્ડા હાલ્ય!
- હાલો રે વા'લો રે૦
પરથમ તો ધોબીડાં લૂટ્યાં હાં-હાં-હાં
જોયું મથુરા ગામ
મામા કંસને મારતાં કાંઈ
વરત્યો જેજેકાર !
ભાઈ ભાઈ, વરત્યો જેજેકાર !
હાં...હાં વરત્યો જેકાર!
ઓળોળોળો હાલ્ય હાલૂડા હાલ્ય!
- હાલો રે વા'લો રે૦
પાતાળે જઈને કાના હાં-હાં-હાં
નાથ્યો કાળીનાગ,
પોયણ કરે પાંદડે કાંઈ
પોઢ્યા દીનોનાથ!
હાલરડાં
247
