આ પાનું પ્રમાણિત થઈ ગયું છે.
ભાઈની કાકી મામી છે સુથરી !
વાંકે વાંકે મોતી થોડાં,
ભાઈને ઘેરે ગાડી ને ઘોડાં;
ઘોડાંની પડઘી વાગે,
ભાઈ મારો નીંદરમાંથી જાગે;
ઘોડા ખાશે રે ગોળ,
ભાઈને ઘેરે હાથીની રે જોડ.
હાં...હાં હાલાં!
ભાઈ મારો છે ગોરો
એની ડોકમાં સોનાનો રે દોરો;
દોરે દોરે રે જાળી,
ભાઈની કાકી રે કાળી.
હાં... હાં હાલાં!
ભાઈ મારો છે અટારો,
ઘી ને ખીચડી ચટાડો;
ખીચડીમાં ઘી થોડું,
ભાઈને સારુ વાઢી ફોડું.
ઘી વિના ખીચડી લૂખી,
ભાઈના પેટમાં રે દુઃખી !
હાં...હાં હાલાં!
ભાઈ ભાઈ હું રે કરું,
ભાઈ વાંસે ભૂલી ફરું;
ભાઈને કોઈએ દીઠો,
ફૂલની વાડીમાં જઈ પેઠો;
ફૂલની વાડી વેડાવો,
ભાઈને ઘેરે રે તેડાવો.
હાં...હાં હાલાં!
હડ્ય તુતુડાં હાંકું,
ભાઈને રોતો રે રાખું;
તુતડાં જાજો દૂર,
૨૫૨
લોકગીત સંચય
