આ પાનાનું પ્રુફરીડિંગ થઈ ગયું છે
૧૫૫
જયા-જયન્ત
પ્રજાજન : ધન્ય જન્મ ! ધન્ય જીવન !
બ્રહ્મર્ષિ : આયાવર્ત જ છે આદર્શ આજ
- નવખંડવાસી આર્યકુટુંબનું;
- ને જ્ઞાન ને ધર્મનગરીનો યુવરાજ
- તે સકળ વિશ્વનો યુવરાજ.
- તારલિયાના તેજઅક્ષરે આલેખાયેલાં
- નામાભિધાન અનેક વંચાય છે,
- પણ લોકવ્રત નામ
- પૂજ્ય થશે પૃથ્વીવાસીઓમાં.
પ્રજાજન : જય ! યુવરાજનો જય !
- આર્યકુટુંબના યુવરાજનો જય !
વેદશાસ્ત્રી : હો દેહ આ ચાર પદાર્થદાતા;
- હો આત્મદેહે-પરમાત્મશાતા
- હો પુણ્યદેહે શુચિ પુણ્યદીવો,
- યશશ્શરીરે ચિરકાલ જીવો !
- शतं जीव शरदो वर्धमान:;યુવરાજ !
બ્રહ્મર્ષિ : રાજરાજેન્દ્ર ને રાજમહીષિ !
- સ્વર્ગગંગા છે યુવરાજના લલાટમાં;
- સાગરવેષ્ટિત જંબુદ્વીપનો
- ચક્રવર્તી રાજવી થશે.
- સૂર્યલાંછન છે જમણા હાથમાં;
