આ પાનાનું પ્રુફરીડિંગ થઈ ગયું છે
૧૭૮
જયા-જયન્ત
- ને પ્રત્યેક મોજામાં મૃત્યુ છે.
- વાદળને કાંઠડે જો ! પેલી વાદળી:
- આવરશે ઉડતી ઉડતી એ,
- ને આવરશે ચન્દ્રપ્રભાને.
જયા: મૃત્યુ દેહને મારે છે,
- પુણ્યને મારતું નથી.
- પુણ્ય તો અમ્મર છે અવનીમાં.
- એક શરદ પૂર્ણિમાએ
- -યાદ છે ને ? જયન્ત !-
- ચન્દ્રનું ખગ્રાસ ગ્રહણ
- જોયું હતું આપણે ગંગોત્રીએ.
- પણ તેથી કાંઇ
- ચન્દ્રનો અમૃતથાળ ફૂટ્યો નહીં.
જયન્ત: ખરૂં, જયા ! ખરૂં છે.
- સૂર્ય ને ચન્દ્ર સમા
- પુણ્યના પાયા યે અમ્મર છે.
- સત્ નામ સાહેબનું:
- સત્ નાશ પામતું જ નથી.
- વાવ ત્ય્હારે, જયા !
- ઓ અનન્ત કાલની જોગણ !
- ત્હારાં પુણ્યનાં વાવેતર:
- પૃથ્વી ભરી ભરી વાવ
- ઇક્ષુના અમૃતભંડાર.
