આ પાનાનું પ્રુફરીડિંગ થઈ ગયું છે
૬૫
જયા-જયન્ત
જયન્ત : આજે જ આવશે કાશીરાજ;
- કરીશ એ અતિથિના યે અનાદર?
જયા : આજે જ શું પધારે છે
- તીર્થરાજવી ગિરિદેશમાં ?
- જયન્ત ! પ્રણામ કહેજે મ્હારા,
ક્ષમા યાચજે મુજ વતી.
જયન્ત : એમ કાં બોલે ? જયા !
જયા : જયન્ત ! કોઈ મ્હને બોલાવે છે;
- હું જાઉં છું - પર્વતોમાં.
- શિખરો ચ્હડીશ, તીર્થો કરીશ,
- ને વસીશ દેવનિવાસોમાં
- ધરાઈને જોયાં, જયન્ત !
- રાજમહેલોમાંના સુખનાં સ્વપ્નાં.
- શિખરેથી કોઈ સાદ દે છે; જાઉં છું.
જયન્ત : જયા ! વિચારજે, વિમાસવું ન પડે
- વર્તમાન એવો વાવ
- કે ભવિષ્ય અદ્ભુત ઉગે.
જયા : બોલે-બોલે છે ગિરિઓમાં મોર,
- ઢેલડ ટહૂકો કરે;