આ પાનાનું પ્રુફરીડિંગ થઈ ગયું છે
ઝંખના
૨૫
પ્રભુનો જ સાથ
· રાગ માઢ — તાલ દાદરો ·
તારાં સ્વર્ગને શું કરું, નાથ હો ?
મને એક જ તારો સાથ ! -(ધ્રુવ)
પૃથ્વી પાતાળ આકાશ મેં શોધ્યાં,
શોધ્યા વિશ્વપ્રકાશ;
ઓછાં અધુરાંને શું કરું, આખર
ઓછી અધુરી રહે આશ રે :
મને એક જ તારો સાથ ! ૧
નવમે આકાશે મૂકું મુજ સીડી,
વચ્ચે મૂક્યે શું થાય ?
નાનાં મોટાં તુજ સ્વર્ગ હો ત્યાં, પણ
સુખની એ કેવળ છાંય રે :
મને એક જ તારો સાથ ! ૨
લાખો હો સૂર્યો ને લાખો હો સૃષ્ટિ,
લાખો હો સ્વર્ગનાં ધામ !
સર્વને છાઈ રહ્યો અંધાર, ત્યાં
ક્યાં જઈ શોધું આરામ રે ?
મને એક જ તારો સાથે ! ૩
