આ પાનું પ્રમાણિત થઈ ગયું છે.
આભમાં ચાંદલાને વાદળી લપેટે,
વીરને ભેટે છે બેન કાળી
બાળુડાં મારાં કેવાં કિલ્લોલે !
રાજમાં ભૂપતિને ચારણ ભલકારે,
વીરને લલકારે બેન ઘેલી
બાળુડાં મારાં કેવાં કિલ્લોલે!
સ્ત્રીવરે નાનું પોયણ ઝુલાવે,
વીરને ઝુલાવે બેન નાની
બાળુડાં મારાં કેવાં કિલ્લોલે!
રણમાં રાજવીર બરછી હિલોળે,
વીરને હીંચોળે બેન બંકી
બાળુડાં મારાં કેવાં કિલ્લોલે!
ઝાડવે ઝાડવે પંખીડાં વિરાજે,
ખોળે ગાજે છે ભાઇ-બેની
બાળુડાં મારાં કેવાં કિલ્લોલે!
કાળા કિલ્લોલ બોલ બોલે
બાળુડાં મારાં કેવાં કિલ્લોલે!