આ પાનાનું પ્રુફરીડિંગ થઈ ગયું છે
( ૮૭ )
[૧] ✳મેઘ
વૃષ્ટિ મીઠી તૃષિત ફૂલડાં કાજ સિન્ધુમાં થકી
ને નદીનાળાંમાં થકી લઈ આવું હું જાતે નકી;
પાંદડાં મધ્યાન્હસમયે પ્હોડતાં જે નીંદરે,
કંઈ છાય કુમળી ત્હેમને ધરતો રહું હું આદરે. ૧
માત ધરતી નૃત્ય ફરતી આજૂબાજૂ સૂર્યની,
જે મધુરી કળિયો ઊંઘી ઢળિયો સરશીહેના ઉરની;
તેહને પ્રત્યેકને તે નીંદરેથી જગાડાતાં
મુજ પાંખથી ખરી બિન્દુ જળનાં શીતતા નિજ પાડતાં. ૨
તીવ્ર પડતા ક'રાકેરો ચાબકો હું વીંઝતો,
નીચે પડ્યાં મેદાન લીલાં તે ધવળ કરી રીઝતો;
ને પછી વળી તે ક'રા વરસાદ કરી ઑગાળતો,
પછી ગાજી ગડગડી હશી ખડખડ ચાલતો થઉં મ્હાલતો. ૩
હેઠ મુજ ગિરિવર ઉપર હું બરફ વેરું ચાળીને
ભયભીત મ્હોટા દેવદારુ આરડે તે ન્ય્હાળીને;
પવનસંગે પ્હોડતાં જે વેળ સૂઈ હું ઢળું,
તે વેળ આખી રાત્રિ મુજ તે બરફ અશીકું ઊજળું. ૪
- ↑ ✳અંગ્રેજ કવિ શેલીના The Cloud નામના કાવ્યનું ભાષાન્તર
