આ પાનાનું પ્રુફરીડિંગ થઈ ગયું છે
પોઢશે પોઢશે રે મારો માડીજાયો વીર
પાસે બેસે રે એક જ બેનડી
કરજે કરજે રે બેની સખદખની વાત
ઘેરે જાશું તો માતા પૂછશે
ખાવી ખાવી રે વીરા ખોરુડી જાર
સૂવું રે માડીના જાયા સાથરે
બાર બાર વરસે વીરા માથડિયાં ઓળ્યાં
તેર વરસે તેલ નાખિયાં
મેલો મેલો રે બેની તમારલા દેશ
મેલો રે બેની તમારાં સાસરાં
વીરા વીરા રે બેની માસ છ માસ
આખર જાવું રે બેનને સાસરે
ભરવાં ભરવાં રે વીરા ભાદરુંનાં પાણી
ભાદરની રેલે બેની તણાઈ ગયાં
આ ને કાંઠે રે વીરો રહ રહ રુએ
ઓલ્યે કાંઠે રુએ એની માવડી