આ પાનાનું પ્રુફરીડિંગ થઈ ગયું છે
રસિયા પાટણ શહેરને પાદર
રસિયા પાટણ શહેરને પાદર
પારસ પીપળો રે લોલ
રસિયા તીયાં રે બંધાવો
હાલણ હીંચકો રે લોલ
રસિયા તીયાં રે હીંચકીએ
આપણ બેઉ જણાં રે લોલ
રસિયા હીંચકડો તૂટ્યો ને
પડિયા બેઉ જણાં રે લોલ
રસિયા અમને રે વાગ્યું ને
તમને ઘણી ખમ્મા રે લોલ
રસિયા રીંસે ભરતી બોલું કે
તમને ઘણી ખમ્મા રે લોલ
રસિયા તમને તે પરણાવું
વાણિયણ વેવલી રે લોલ
રસિયા પાણીની ભરનારી
વાણિયણ વેવલી રે લોલ
રસિયા તમને તે પરણાવું
ગામ ગરાસણી રે લોલ
રસિયા ચાકળડે બેસનારી
ગામ ગરાસણી રે લોલ
રસિયા કિયો તો પરણાવું
નાગર ભ્રામણી રે લોલ
રસિયા રસોઈની કરનારી
નાગર ભ્રામણી રે લોલ