આ પાનાનું પ્રુફરીડિંગ થઈ ગયું છે
૧. રંગલો ૨. ગંગાબાઇ ૩. જીવરામભટ્ટ, ૪. રઘનાથભટ્ટ , ૫. સોમનાથ, ૬. દેવબાઇ, ૭-૮ પોલિસના બે સિપાઈઓ.
ગંગા૦ – જીવરામભટ્ટ, તમે અમને દેખો છો ?
રંગલો૦ – દેખે છે એનો બાપ.
જીવ૦ – કેમ નહિ દેખતા હઈએ ? કાંઈ આંધળા બાંધળા છીએ કે શું?
ગંગા૦ – તમે અત્યારે કાગળ વાંચી શકો છો ખરા ?
રંગલો૦ – કાગળ તો શું ? પણ અત્યારે મોતી વીંધે છે તો.
જીવ૦– અત્યારે અમે રાતે પુસ્તક લખીએ છીએ તે કેમ લખાતું હશે ?
સોમના૦ – કાગળ આપું તો વાંચશો?
જીવ૦– હા લાવો, શા વાસ્તે નહીં વાંચીએ !
સોમના૦ – લો, આ કાગળ વાંચો જોઈએ. (નાખે છે તે જીવરામભટ્ટના પગ પાસે પડે છે.)
જીવ૦– લાવો કાગળ
સોમના૦ – એ તમારા પગ આગળ પડ્યો. નીચા નમીને લ્યો.
જીવ૦– તમારી આગળ નીચા નમવાની અમારે ગરજ નથી.
રંગલો૦ -
'श्लोक
नमंति फलिनो वृक्षा, नमंति गुणिनो जनाः।
शुष्ककाष्टं च मुर्खाश्च, न नमंति कदाचन॥६२॥