આ પાનું પ્રમાણિત થઈ ગયું છે.
ઊંચેરી ડાળે આવી બેસતો, નણંદબા !
મધુરી વાતો વસન્તવેણ રે-એ રે-એ
નથી આજ કુળનો મોરલો ઝરૂખલે.
દુનિયા સરોવરે ડોલતી, નણંદબા !
ડોલતી તમ વીરને નેણ, રે-એ રે-એ
નથી આજ કુળનો મોરલો ઝરૂખલે.
ત્હમે છો ડાહ્યાં ને ડમરાં, નણંદબા !
ધીરજો વીરાને એ ગુણ રે-એ, રે-એ
નથી આજ કુળનો મોરલો ઝરૂખલે.
માણીગર મોડવી પરદેશમાં, નણંદબા !
બાપુનાં ફેડશે ઋણ રે-એ, રે-એ
નથી આજ કુળનો મોરલો ઝરૂખલે.
રમશું આપણ રંગફૂદડી,નણંદબા !
ધરશું માથે વસન્તમ્હોડ રે-એ, રે-એ
નથી આજ કુળનો મોરલો ઝરૂખલે.
અવન્તી પૂર્ણિમા છે ઊજળી, નણંદબા !
પૂરશે રસેશ સૌના કોડ રે-એ, રે-એ
કરમાણાં કોળશે છોડ રે-એ, રે-એ
નથી આજ કુળનો મોરલો ઝરૂખલે.
