આ પાનાનું પ્રુફરીડિંગ બાકી છે
ભાગ બીજો
૫૧
પ્રીતિના પ્રાહુણા
મેઘ બોલે ને મોરલા ડોલે છે ;
ઉરે સ્મરણોનાં સોણલાં બોલે છે :
મેઘ બોલે ને મોરલા ડોલે છે.
વીજ ચમકે ને આંખડી ચમકે છે ;
મંહી ઘમ્મર વ્હલોણાં ઘમકે છે :
મેઘ બોલે ને મોરલા ડોલે છે.
ચાપ ચ્હડિયાં મહેન્દ્રનાં મેઘલિયે ;
બાણ વાગ્યાં એ કોકને કુંજગલીએ :
મેઘ બોલે ને મોરલા ડોલે છે.
આભ ગાજે ને ગેબનાં ઘોર લાવે ;
કાંઈ આઘેના સન્દેશા સંભળાવે :
મેઘ બોલે ને મોરલા ડોલે છે.
