આ પાનાનું પ્રુફરીડિંગ બાકી છે
૮૮
ન્હાના ન્હાના રાસ
હું તો આથમતા સૂર્ય ગણી થાકી રે,
પ્રીતમ ક્યંહી યે નથી;
આ તો ઉગન્તી ચન્દનીની સ્હાંજ,
પ્રીતમ અંહી યે નથી.
એના પડઘા કાન માંડી થાકી રે,
પ્રીતમ ક્યંહી યે નથી;
આ તો એનો સંગીતનો જ સાજ,
પ્રીતમ અંહી યે નથી.
પેલે મોગરે બે ફૂલડાં લ્હેરાય,
પ્રીતમ અંહી યે નથી;
હું એ ફૂલ વીણું કરી ચાલી થાકી રે,
પ્રીતમ ક્યંહી યે નથી.
ત્ય્હાં તો ઉઠ્યા અહો! એ પ્રેમરાયઃ
ઉઠી, હાસ્યથી ન્હવરાવે ને ન્હાયઃ
સખિ! એની જોડલી નથી.
