આ પાનાનું પ્રુફરીડિંગ બાકી છે
ભાગ બીજો
૮૭
સખિ! એની જોડલી નથી
હું તો શોધી શોધીને બધે થાકી રે,
પ્રીતમ કયંહી યે નથી;
આ તો એની એ સરોવરપાળ,
પ્રીતમ અંહી યે નથી.
હું તો સન્ધ્યાના મ્હેલ ભમી થાકી રે,
પ્રીતમ ક્યંહી યે નથી;
આ એ કુંજ કેરો કાંઠડો રસાળ,
પ્રીતમ અંહી યે નથી.
હું તો વાટડી યે જોઇ જોઈ થાકી રે,
પ્રીતમ ક્યંહી યે નથી;
એનો આવ્યાનો આજનો આ પન્થ,
પ્રીતમ અંહી યે નથી.
હું તો કેડીનો માર્ગ ખેડી થાકી રે,
પ્રીતમ ક્યંહી યે નથી;
મ્હારો ના'વ્યો કોડામણો કન્થ,
પ્રીતમ અંહી યે નથી.
