આ પાનાનું પ્રુફરીડિંગ થઈ ગયું છે
૭૫
નૂતન વર્ષે.
*[૧](ગરબી.)
આજ દિવસ અનુપ આનન્દનોરે લોલ,
ગાઓ સુરસ ગાન મધુર કંઠ,
ભગિની બન્ધુઓરે લોલ !
દૂર, દૂર, વાદ્ય દિવ્ય વાગિયાં રે લોલ.૧
( સાખી. )
વાગે અનુપમ વાંસળી હેમાં એક અમૂલ,
વગાડનારો વિશ્વમાં સંતાઈ રહ્યો કો ગૂઢ;
(મૂળ ચાલ. )
ભગિની બન્ધુઓ રે લોલ !
દૂર, દૂર, વાગતી એ વાંસળી રે લોલ.૨
વાંસળી તણા સુરો ઉરે ભરી રે લોલ,
એકતાન થઈ મચાવી ગાન,
ભગિની બન્ધુઓ રે લોલ !
દિવ્ય વાદ્ય સાથ સુર મેળવો રે લોલ.૩
(સાખી. )
કાળી રજની જે ટળી, ઉષા હસે શાં હાસ !
ફૂલડાં વેરી આંગણે ઊભી રમવા અલૌકિક રાસ;
- ↑ *“વ્યોમમંડળેથી હમે ઉતर्यां રે લોલ — એ ચાલ.
