આ પાનાનું પ્રુફરીડિંગ થઈ ગયું છે
૨૮૦
રાસચંદ્રિકા
વિસર્જન
♦ પ્રેમની, પ્રેમની, પ્રેમની રે ♦
આવજો, આવજો, આવજો રે,
વહાલાં ! પાછાં વહેલેરાં આવજો !
લાવજો, લાવજો, લાવજો રે,
નવી રજનીના રાસ નવા લાવજો !—
ઝબકી ઝબકી પડ્યા ઝાંખા આ દીવડા :
માજીને દીવડે સમાવજો રે !
વહાલાં ! પાછાં વહેલેરાં આવજો ! ૧
માજીના રાસમાં ઝીલે છે સૃષ્ટિઓ :
ઝીલ્યો એ રસ તે ઝિલાવજો રે !
વહાલાં ! પાછાં વહેલેરાં આવજો ! ૨
વ્યોમે છે દીવડા, ભોમે છે દીવડા :
દીવડા હૈયે ઝબકાવજો રે !
વહાલાં ! પાછાં વહેલેરાં આવજો ! ૩