આ પાનાનું પ્રુફરીડિંગ થઈ ગયું છે
૨૧૦
રાષ્ટ્રિકા
અડગ આ આત્મા ભારતકેરો
નહીં આવે તુજ હાથ :
માર ને પીટ કે બંધન કોને ?
આ શી હવામાં બાથ ?
બ્રીટન ! તારી છાતી શેં પથ્થર થાય ? ૪
તારે જ બાર શું થાય નિરંતર
સ્વાધીનતાનાં ગાન ?
ક્યાં ગઈ માનવતા વર તારી ?-
ભરભર લે બલિદાન !
બ્રીટન ! તારી છાતી શેં પથ્થર થાય ? ૫
પૂર્વ ને પશ્ચિમના છેડા બે બાંધી
સાંકળિયું આકાશ :
આવ રે, સ્નેહે બંધાઇને પૂરિયે
જગબંધુત્વની આશ !
બ્રીટન ! તારી છાતી શેં પથ્થર થાય ? ૬
કાળના ચક્રમાં ફરતાં આકાશે
કોનાં રહ્યાં મહારાજ્ય ?
અદલ ઉઘાડો રે આંખ પ્રભુ તુજ,
સ્નેહ જ છે જગતાજ !
બ્રીટન ! તારી છાતી શેં પથ્થર થાય ? ૭
