પદ ૬૯૯ મું - રાગ ગરબી
આજ મારે હરિ પરોણા ઘેર આવ્યા,
હાં રે મેં તો મોતીડાંને લેરખે વધાવ્યા રે.. . આજ૦ ટેક
શિવ સનકાદિક સુખ જેવા જોગી, પૂરણ બ્રહ્મપદ રસના રે ભોગી,
હાં રે આવા સંત સંગાથે લાવ્યા રે... આજ૦ ૧
શિવ વિરંચિ જેનો પાર ન પાવે, શેષ સહસ્ર મુખ શારદા ગાવે,
હાં રે જોના નિગમાગમે જશ ગાવ્યા રે... આજ૦ ૨
સંત હરિને હું તો નયણે રે નીરખી, પ્રેમ મગન મારા હૈયામાં હરખી,
હાં રે મેં તો ઓરડાની ઓસરીએ પધરાવ્યા રે... આજ૦ ૩
આઠે પહોર આનંદ જેના અંગમાં, રમે ગોવિંદ એવા સંતના રે સંગમાં,
હાં રે વહાલો પ્રેમસખીને મન ભાવ્યા રે... આજ૦ ૪
abc
પદ ૭૦૧ મું
એવા સંત હરિને પ્યારા રે, તેથી ઘડીયે ન રહે
વાલો ન્યારા રે... એવા ટેક
મહિમા હરિનો સારી પેઠે જાણે, મન અભિમાન તેનો લેશ ન આણે;
હાં રે રહે બ્રહ્મસ્વરૂપ મતવાલા રે... એવા ૧
નાના મોટા ભજે જે હરિને, મન કર્મ વચને દ્રઢ કરીને;
હાં રે તેને પોતાના કરતાં જાણે સારા રે... એવા ૨
