આ પાનું પ્રમાણિત થઈ ગયું છે.
મારી બાલૂડી બ્હેન !
મારી ઘેલૂડી બ્હેન !
તારી આછી પાંપણા ને નીંદ ઘાટી રે બ્હેન !
મારી બાલૂડી બ્હેન !
મારી કોડીલી બ્હેન !
તારૂં માથું ટુંકુ ને વાળા લાંબા રે બ્હેન !
મારી બાલૂડી બ્હેન !
મારી લાડીલી બ્હેન !
તારી નાની કાયા ને જોર જબરાં રે બ્હેન !
મારી બાલૂડી બ્હેન !
મારી માધૂરી બ્હેન !
તારી ઉંમર છોટીને વાતા મોટી રે બ્હેન !
મારી બાલૂડી બ્હેન !
મારી ભોળૂડી બ્હેન !
તારાં જીવતર થોડાં ને હેત ઝાઝાં રે બ્હેન !
🙖
