આ પાનાનું પ્રુફરીડિંગ થઈ ગયું છે
૭૩
મોટો સંતાય સુણી શત્રુના રીડિયા
- નાનેરો દ્યે છે પડકાર – વીરાજી૦
મોટો ભાગ્યો છે સેન શત્રુનાં ભાળતાં
- નાનેરો *ઝીંકે છે ઘાવ – વીરાજી૦
મોટેરે માડી ! તારી કૂખૂં લજાવી
- નાને ઉજાળ્યા અવતાર – વીરજી૦
મોટાનાં મોત ચાર ડાઘુડે જાણિયાં
- નાનાની ખાંભી પૂજાય – વીરાજી૦
ભેટે ઝુલે છે તલવાર
- વીરાજી કેરી ભેટે ઝુલે રે !
ભીંતે ઝૂલે છે તલવાર
- બાપૂજી કેરી ભીંતે ઝુલે રે!
♣
બીજો પાઠ : ઝીલે છે ઘાવ.
