આ પાનું પ્રમાણિત થઈ ગયું છે.
૭૨
મોટે માગી છે મો’લ મ્હેલાતું વાડીયું
નાને માંગી છે તલવાર
હાં રે બેની ! નાને માંગી છે તલવાર – વીરાજી૦
મોટો મ્હાલે છે મો’લ મોડીની સાયબી
નાનો ખેલે છે શિકાર – વીરાજી૦
મોટો ચડિયો છે કાંઈ હાથી-અંબાડિયે
નાનેરો ઘોડો અસવાર – વીરાજી૦
મોટો કાઢે છે રોજ કાવા કસૂંબલા
નાનેરો ઘૂમે ઘમસાણ – વીરાજી૦
મોટો પોઢે છે લાલ રંગીલે ઢોલીએ
નાનો ડુંગરડાની ધાર – વીરાજી૦
મોટો મઢાવે વેઢે વીંટી ને હારલા
નાનો સજાવે તલવાર – વીરાજી૦
મોટાને સોઇં હીર–ઝરિયાની આંગડી
નાનાને ગેંડાની ઢાલ – વીરજી૦