બૃહસ્પતિ જેવાને ભોળવ્યા માયા મનમાં મગરૂર

by દેવાનંદ સ્વામી

બૃહસ્પતિ જેવાને ભોળવ્યા માયા મનમાં મગરૂર દેવાનંદ સ્વામી

બૃહસ્પતિ જેવાને ભોળવ્યા માયા મનમાં મગરૂર

બૃહસ્પતિ જેવાને ભોળવ્યા, માયા મનમાં મગરૂર, ડાહ્યા પીલાયા દાઢમાં;
ચાવી કીધા ચરચૂર, સેવો સાચા હરિસંતને꠶ ૧

દુષ્કૃત દુબધામાં ડૂબિયો, અનરથ કીધાં અપાર;
દુર્મતિ ડહાપણ ડોળતો, નથી તનનો નિરધાર... સેવો꠶ ૨

શૂકર શ્વાનના દેહમાં, નિર્લજ્જ થાશો નરનાર;
કટકા અન્ન કેરે કારણે, બેઠું જોશે ઘરબાર... સેવો꠶ ૩

ભવદુઃખ ટળવાના ભેદમાં, સદ્‍ગુરુ મળતાં સમજાય;
દેવાનંદનો પ્રભુ દેખશો, જન્મ મરણ મટી જાય... સેવો꠶ ૪