મંગલકારી હરિ મૂરતિ ભેટે ભવદુઃખ જાય

by દેવાનંદ સ્વામી

મંગલકારી હરિ મૂરતિ ભેટે ભવદુઃખ જાય દેવાનંદ સ્વામી

મંગલકારી હરિ મૂરતિ ભેટે ભવદુઃખ જાય

મંગલકારી હરિ મૂરતિ, ભેટે ભવદુઃખ જાય, સ્મરણ કર શ્રીગોવિંદનું;
ફોગટ ફેરો ન થાય, અંતે જાવું છે એકલા꠶ ૧

ગાફલ સગાંની ગોઠડી, મોટી માયાની જાળ;
વળગ્યો મિથ્યા વે’વારમાં, કેડે આવે છે કાળ... અંતે꠶ ૨

બુધે સમજાવી બહુ કહ્યું, માને મૂરખના જામ;
કાયા માયાને કામિની,† નથી ઠરવાનું ઠામ... અંતે꠶ ૩

લાલચ લાગી ઉર લોભની, ઇચ્છા મનમાં અપાર;
દેવાનંદ કહે હરિ ના ભજ્યો, એળે ખોશો અવતાર... અંતે꠶ ૪