મને લાગી કટારી પ્રેમની

by મીરાંબાઈ

મને લાગી કટારી પ્રેમની મીરાંબાઈ

પ્રેમની, પ્રેમની, પ્રેમની રે; મને લાગી કટારી પ્રેમની.
જળ જમુનાનાં ભરવા ગયા'તાં; હતી ગાગર માથે હેમની રે; મને
કાચે તે તાંતણે હરિજીએ બાંધી; જેમ ખેંચે તેમ તેમની રે; મને
મીરાં કહે પ્રભુ ગિરધર નાગર; શામળી સૂરત શુભ એમની રે. મને

અન્ય સંસ્કરાણ

પ્રેમની, પ્રેમની, પ્રેમની રે;

મુને લાગી કટારી પ્રેમની.

જળ જમુનાનાં ભરવા ગયા'તાં;
હતી ગાગર માથે હેમની રે;

મુને લાગી કટારી પ્રેમની.

કાચે તે તાંતણે હરિજીએ બાંધી;
જેમ ખેંચે તેમ તેમની રે;

મુને લાગી કટારી પ્રેમની.

બાઈ મીરાં કહે પ્રભુ ગિરધર નાગર;
શામળી સૂરત શુભ એમની રે;

મુને લાગી કટારી પ્રેમની.