મુખડાની માયા લાગી રે

by મીરાંબાઈ

મુખડાની માયા લાગી રે મીરાંબાઈ

(રાગ કાફી)

પદ ૧૩ મું.

મુખડાની માયા લાગી રે, મોહન પ્યારા;
મુખડું મેં જોયું તારું, સર્વ જગ થયું ખારું;
મન મારું રહ્યું ન્યારું રે; મોહન પ્યારા0 ૧

સંસારીનું સુખ એવું, ઝાંઝવાનાં નીર જેવું;
તેને તુચ્છ કરી ફરીએ રે; મોહન પ્યારા૦ ૨
સંસારીનું સુખ કાચું, પરણી રંડાવું પાછું;
તેવા ઘેર શીદ જઈએ રે; મોહન પ્યારા૦ ૩
પરણું તો પ્રીતમ પ્યારો, અખંડ સૌભાગ્ય મારો;
રાંડવાનો ભય ટળ્યો રે; મોહન પ્યારા૦ ૪
મીરાંબાઈ બલિહારિ, આશા મને એક તારી;
હવે હું તો બડભાગી રે; મોહન પ્યારા૦ ૫